الداخلية و الباشا

دخول الشرطة فى كل شئ فى حياة المواطن هو سبب كره شريحة كبيرة من المجتمع للشرطة.
كل حاجة فى حياتك متوقفة على امضاء الباشا و ده بيولد كراهية و شعور باﻻضطهاد ناحية الميرى .
يعنى الواحد عشان يطلع شهادة ميلاد لازم امضاء الباشا رخصة قيادة لازم امضاء الباشا و ترخيص العربية لازم امضاء الباشا .
تلاقى الموظف الغلبان على الشباك فى عز العرق و الحر يقلك هاتلى تأشيرة من الباشا القاعد فى التكييف و يزبلك عسكرى على الباب عشان معاه تلفون او موزة قاعدة بتشرب القهوة و بيخلصلها حاجتها ما هى جاية بأجمد توصية بنطلون فيزون اصغر من مقاسها نمرتين .
عشان تتطلع فيش تروح للباشا حتى التجنيد عاكلينه فى القسم طيب انت ربطت حياتنا بامضاء من الباشا الظابط و خليته بيتحكم فى مصير الناس ازاى عاوز الشعب يحب الداخلية ده اسمه غباء .
شرطة كهربا و تلفونات و مياة حرام عليكم حياتنا بقت فى اييد الداخلية .
خليت الناس تقول على الشرطة لما يشوفوا ظابط او بوكس يقلك حكومة لانها الخكومة فى نظره لما يستنى فى الطابور على باب الظابط فى احوال المدنية بيشوف الحكومة بتظلمه كل حاجة بقت فى اييد الداخلية .
ده خطر على اى نظام و عمر ما هيكون فيه عمتر بين اى نظام و الشعب طول ما الداخلية فى الوش .

هلفطة

الدائرة المفرغة
الدائرة المفرغة هى حال مصر منذ قديم الأزل و على رأى المثل تمسكها من هنا تخر من هنا كلنا بندوور و نلف فى نفس الدائرة و النتيجة مش بتكون صفر ﻷ بتكون بالسالب كل مشاكلنا مرتبطة ببعض و هى البتسبب بعض يعنى مشكلة الأسكان هى سبب مشكلة المواصلات و المواصلات هى سبب تفاقم مشكلة أزمة الأسكان الجزء منها هو الأيجار القديم المينفعش تحلها بعد تفاقم أزمة الأسكان الهى أهم أسبابها الأيجار القديم و عشان تحل أزمة المواصلات تعمل الميكروباص الهو بردوا السبب الرئيسى ف الزحمة و وقف الحال و بعد ما كان حل للمشكلة أصبح هو المشكلة و تعمل قانون مرور جديد عشان تحل أزمة المرور و المواصلات يقوم القانون ده يعمل مشكلة ﻷن الحاجة الصح ف نظام عشوائى تجيب نتيجة عكسية يقوم بعد ما كان قانون معيب مش بيمشى الناس صح أصبح مفيش قانون من أساسه ييجى واحد عبقرى يحل أزمة المرور يعمل طريق دائرى حوالين القاهرة يقوم محاصرها بطريق سريع يخنقها أكتر و يوقف التوسع العمرانى و كل الطرق تؤدى الى روما البلد تتشل و تبقى علطول واقفة ييجى عبقرى تانىيعمل كوبرى فوق الدائرى قال أيه بيوسع ييجى مزواد مداخل القاهرة ع نفس الشوارع تتقفل أكتر نستهلك وقود أكتر و عربيات أكتر عشان مفيش مواصلات جماعية فتزدحم أكتر فنصرف فلوس أكتر نستلف أكتر نداين أكتر فنفتقر أكتر فعشان نتطلع من الفقر نستلف تانى فنفتقر تانى و هلما جرة طيب و أخرتها معرفش ييجى العبقرى بتاع المالية يتزنق و ميزانية معجزة و معهوش مصروف البيت فيستلف من مين من بنك الأستثمار الهو مش موجود و بتاعه يقوم يداين لنفسه و يدفع فوايد لنفسه ييجى عبقرى تانى يعمل ناصح يقوم طابع فلوس من المكنة بتاعت أبوه ما هو بيتعامل أنه راجل البيت و بيصرف من جيب أمه يشغل المطبعة و يسد مرتباته يقوم يحصل تتضخم الأسعار تزيد نا الفلوس كتير يبقى لازم السعر يزيد يقوم الناس تشتكى يقوم طابع أكتر عشان يديهم أكتر يقوم الأسعار تزيد أكتر و أكتر يقوم بايع مصانعه الكحيانة الكانت بتجبله ملاليم عشان يسد العليه يقوم السنة البعديها يصبح مفيش ملاليم يقوم يفتقر أكتر و مصاريفه زادت أكتر ييجى عبقرى تانى يقلك أيه أنا مش هستلف أنا هرفع الضرايب و هلم من الناس يقوم الناس رافعة الأسعار تقوم الناس تشتكى فيزود المرتبات و الدعم يقوم دافع أكتر من لمه عشان أصلا الناس مش بتدفع ضرايب البيدفعوا الموظفين بس عشان دخلهم مكشوف يقوم الفقير يفتقر و الغنى يقلك هذا من فضل ربى أنا زهقت الدائرة مش بتخلص ممكن أقعد أكتب شهر كمان و مش هتخلص لكى الله يا مصر

الجنس

الجنس ماذا نعلم عنه هو كالاكل و الشرب غريزة و احتياج للانسان لا يستطيع الاستغناء عنه .
المجتمعات الشرقية و خصوصا مصر تاريخها ملئ بولع و حب الشرقيين للجنس و مع ذلك هم اكثر شعوب الارض خجلا فى الحديث عنه او دراسته كعلم .
يعطى المصريين غطاء شرعى و مجتمعى للعملية الجنسية فهو يقول انه يتزوج لتكوين اسرة لكن الاغلبية تتزوج من اجل ممارسة الجنس و ماله ما هو حلاله :)
اغلب حالات الطلاق فى مصر بتكون بسبب الجنس او بيكون هو العامل الرئيسى .
مع ان المصريين بيحبوا الجنس و الراجل المتزوج ف اول سنة ممكن يمارسه كل يوم بدون كلل او ملل لكن عمره ما تكلم مع زوجته فى الجنس عشان عيب .
يعنى عيب انك تتكلم معاها لكن مش عيب الممارسة نفسها و طبعا بيؤدى عدم الكلام بينهم لاختلاف سريرى و عدم استمتاع حقيقى .
عندما تتحول العملية الجنسية لمجرد تفريغ للطاقة من الرجل تشمئز منه المرأه و تصبح العملية الجنسية شئ مكروه لها و تقلك مش طايقاه .
أغلب المشاكل الجنسية بين الزوجين بتكون بسبب عدم الحديث بينهم عن الجنس يعنى انت بتحب ايه مش بتحب ايه حاجات كتير من ديه .
المرأه الشرقية متقدرش تتكلم طبعا عن ده لأنها لو اتكلمت مع زوجها هتتحول للعاهرة امامه و هتسمع ابشع الالفاظ .
بتصبح المرأه مجرد مرتبة سرير يفرغ الرجل طاقته بها فتهمل فى نفسها و تكره الجنس تماما .
و طبعا متقدرش تتكلم انها مش مبسوطة معاه ف الجنس فتبدأ بافتعال المشاكل فى حوارات اخرى .
حوارات اخرى مثل مصروف البيت خناق على سهره مع اصدقائه اهماله للمنزل الخ الخ .......
كلها مشاكل مفتعلة بسبب عدم استمتاعها بالجنس مع زوجها .
مش عيب انك تتكلم مع زوجتك فى الجنس و تشوفوا بتحبوا ايه و بتكرهوا ايه .
مش عيب تقرا كامسوترا (علم الاوضاع الجنسية هندى ) و تقرر تطبقه عشان تنجح العملية الجنسية .
مش عيب تجدد العلاقة بالطريقة التحبوها انتوا الاتنين .
رفيقتك لو حققتلها اشباع بجد بحب و عدم انانية و علم هتسعدك و حياتك هتكون احلى و اسهل .

الدوائر المغلقة هى حالى و حال كل مصرى نحن نعيش فى دائرة كلما أسرعنا فى التقدم للأمام نرجع أسرع لنفس موقعنا أنها مأساه نعيشها فى هذا الوطن الذى دمر على عدة عقود سواء من أجدادنا أو من أعدائنا .  كل شئ فى حياتنا يسير من السئ للاسوأ فحل المشكلة اصبح هو المشكلة .الحلول فاشلة و النفوس بغيضة و مدمرة كرهنا الجمال و عشقنا القبح مستقبل غامض لكن مؤكد انه سئ الاجنهاد فى مدى السؤ فالغنى فى مصر لا يستمتع بماله و الفقير لا يفهم معنى كلمة استمتاع .

 فقر مدقع و بطالة حقيقية و مقنعة عنوسة ازمة اسكان و مواصلات عشوائيات اصبحت امل كل شاب ان يحصل على عشة بها تلوث طعام مسرطن مياة ملوثة . كلمة انسانية لا يفهما الانسان المصرى اصبح لا يفهم معنى اسمه انسان تجرد من انسانيته اصبح خاوى لا يفهم الفن او الجمال او اﻻاستمتاع باى شئ السكن اصبح له مجرد فرشة نوم و الطعام مجرد سد جوع و الجنس شهوة يفرغها كالحيوان .

حتى الدين لم يسلم من عبث المصريين اصبح الاسلام مظهر خارجى ف شكل المصرى من داخل فارغ لا يوجد شئ يذهب للصلاة فى العمل و هو مرتشى يسرق فى عمله و هو يسبح عاى اصابعه يغتاب الناس و هو فى طريقة للمسجد ليصلى الجمعة يصوم رمضان و يسب الدين و يسرق و ينهب مجردصلاة فاترة و صوم عن الحلال فى رمضان يسرق الله فى زكاته .

حكومة فاسدة و شعب افسدته الحكومة عااقة مشبوهة بين الحاكم و المحكوم يمارسون الحرام فى الغرف المغلقة و يعاتبون بعضهم البعض فى العلن 

  أصبح ارتباط الفقير  بفساد الدولة اكبر من ارتباط الطبقة البلوتقراطية بفسادها (بلوتقراطية هى حكم الطبقة الغنية) فاصبح الساكن فى عشة بالعشوائيات يخاف على المسئول الفاسد الذى سيدخل المرافق تالسيئة ماء و كهرباء اكثر من اى شخص اخر اصبح شعب يخاف على الفاسدين المرتشين ان يذهبوا فتتوقف حياته مثل سواق الميكروباص الذى يسير بمركبة غير ادمية يدفع الاتاوة لياكل قوت يومه و يعلم بفساد المرور و يخاف عليه اكثر من رجال المرور الفاسدين .

انها الفوضى و العشوائية المصرية التى تعجز عن فهمها و لكن نسنطيع العيش فيها و بها فالحلول الصحيحة ف نظام فوضوى و عشوائى تأتى بنتيجة عكسية دائما .

ما هو الحل من أين نبدأ اذا اردنا ان نحل .

المشكلة مركبة هى دائرة و كله السبب فى الضياع .

الأسكان سبب مشكلة المواصلات و المواصلات و الطرق سبب تفاقم ازمة الاسكان  و المرافق سبب عدم التوسع العمرانى و ايضا سؤها ادى لانتشار الامراض البيروقراطية و المركزيةء سبب العشوائيات التى حاصرت المدن فادت لتوقف التوسع العمرانى فضاقت الاراضى و تفاقمت الازمة فهدمنا القصور و الفلل لنبنى ابراج مشوهة فدمرنا جمال المدن فخسرت السياحة فزاد الفقر و البطالة فانتشرت الجريمة ففسد المجتمع .

أصبحنا نعيش فى خوف خوف من المستقبل و من الاخر و من النظام حتى الاهل و الاصدقاء لم يسلموا من الخوف .

   أنها بداية النهاية فأى بلد هذه نعيش وسط القمامة و الامراض و التلوث و الجريمة و الفقر و الفساد و الظلم .

 نحمد الله على المرض و نشكره على الفقر و ندعى لظالمينا فى الأرض بطول العمر و  نطلب رضاهم اى حياتا هذه تخرج من منزلك لا تعلم كيف تصل الى عملك او متى اذا كنت تعمل من اساسه حتى العلاقات الانسانية لا تستطيع ان تقيمها فى هذا اامجتمع الذى اصبح قشرة دون لب نقول على الغرب منعدم الاخلاق و نحن لا نعلم معنى كلمة اخلاق .

الفهلوة سمة الشعب ينظر اسفل قدمه يدمر اكثر ما يبنى .

 الفهلوة سمة العصر بدأت العدوى من الحكومة و انطلقت كالوباء فى حياتنا فالحكومة تمارس الفهلوة فى كل شئ افسدت الحياة الاقتصادية و السياسية فاصبحنا كالمسخ لا نعلم هل نحن اشتراكيون ام رأسماليون قوانين اشتراكية و توجهات رأسمالية غير مفهومة نظام جباية فى الضرائب و خصخصة فاسدة و دعم منهوب وزير مالية عبقرى يسنمر فى زيادة الدعم كى لا يثور الشعب و مع ذلك ثار و فى نفس الوقت يبيع شركاته الرابحة و يحتفظ بالخسارة و يصفيها فكيف تدعم و انت تتخلص مة دخلك الاساسى القطاع العام الهو ملك الشعب فحولته لقطاع اعمال فاصبح ملك الحكومة تبيع و تشترى فيه فى اكبر عملية سرقة مال الشعب فى اتاريخ جمهورية مصر الاولى .

استمرار الخصخصة مع استمرار عملية الدعم ادى لعجز هيستيرى فى الميزانية كان سيؤدى ف النهاية لفرض الالغاء على الشعب لنجدة الدولة من الافلاس فنتحول لدولة عبيدة لرؤوس الاموال مصر ليس بها طبقة برجوازية او راسمالية قادرة على قيادة الاقتصاد سنصبح عبيد لشركات متعددة الجنسيات الاجنبية التى فى الاساس امريكية و اكبر قوة اقتصادية بعد امريكا و ليس اوربا و اليابان و الصين و جنوب شرق اسيا كما يظن الكثيرين امريكا نصف  ثلث اقتصاد العالم و شركاتها متعددة الجنسيات كما يطلقون عليها الثلث الثانى و العالم كله يلعب فى الثلث الاخير .

اقتصاد امريكا كان اثنى عشر ضعف اقتصاد دول الاتحاد السوفيتى مجتمعة و استنزفت الاتحاد السوفيتى حتى انهار و الان تستنزف العالم كله .

ب

التضخم

التضخم  هو أكبر مشكلة أقتصادية تواحه مصر و دول العالم ،

التضخم هو  مصطلح أقتصادى يختلط على اغلب المصريين بانه هو الزيادة او الارتفاع فى الأسعار و ده مفهوم خاطئ و شائع .

التضخم هو الزيادة فى كمية البنكنوت (النقود) داخل السوق و ده بيكون عن طريق الطباعة .

احد اثار التضخم السلبى هى ارتفاع الاسعار و لذلك يختلط على الناس ان التضخم هو ارتفاع الاسعار .

كيف التضخم يحدث ارتفاع اسعار اذا كان  سلبى ؟

ده هشرحه بمثال بسيط جدا عشان تفهم ازاى بيحصل ارتفاع فى الاسعار .

النقود او البنكنوت بتعبر عن نفسها بمعنى ان لو عندك عشر وحدات نقدية او عشرة جنية  و عندك الناحية التانية  عشر وحدات سلع نقول مثلا عشر ة كيلو طماطم  يبقى سعر كيلو طماطم  واحد جنية .

طيب لو انت طبعت عشرة جنية كمان من المطبعة هيبقى  عندك عشرين جنية و الناحية التانية عشرة كيلو طماطم يبقى كيلو طماطم هيصبح باتنين جنية هو ده البيعمله التضخم ﻷنك لما بتطبع فلوس هى لازم تعبر عن نفسها .

التضخم السلبى هو انك تزود البنكنوت او النقود بدون زيادة فى الانتاج السلع و الخدمات .

التضخم الايجابى انك بتطبع فلوس عشان تزود الانتاج من سلع و خدمات .

ده التضخم ببساطة شديدة و بسيطة و هو فاشخ مصر بالمناسبة عشان كل واحد بيحكم بيفتكر مطبعة البنك المركزى بتاعت الست الوالدة .